हम पंछी सब एक डार के...

हम पंछी सब एक डार के एकेच दाना-पानी
एके तत्व ले उपजे हावन सबके एक कहानी
जाना घलो हे एकेच ठीहा इहू ल अटल जान
तब कइसे छोटे-बड़े के जी तोला हे अभिमान                                                    

  -सुशील भोले
संजय नगर, रायपुर
मो नं 9826992811

धरम के सांचा म लोगन ल बनाए ...

धरम के सांचा म लोगन ल बनाए जावत हे कर्महीन
एकरे सेती समाज के चेहरा आज दिखत हे दीनहीन
जब कतकों पाप के बोझा कहूं नहा ले म उतर जाही
तब काबर त्याग-सदकर्म के रद्दा कोनो ल जी भाही

-सुशील भोले
संजय नगर, रायपुर
मो नं 9826992811

गुन-अवगुन के लेखा-सरेखा होगे रावन ..

गुन-अवगुन के लेखा-सरेखा होगे रावन संग
आज कतकों रंग गे हावंय बिल्कुल वोकरे रंग
तब ले कइसे इन जीयत हें खापे मुड़ म पागा
का आंखी ल मूंदे रइही इंकर बर न्याय-धागा

-सुशील भोले
संजय नगर, रायपुर
मो नं 9826992811

समुद्र मंथन से निकले विष के हरण पर्व पर ..

समुद्र मंथन से निकले विष के हरण पर्व पर आप सभी को हार्दिक बधाई। विश्व कल्याणकारी नीलकंठ महादेव आप स भी के जीवन से विषतत्व का हरण कर अमृत का संचार करें। बहुत-बहुत शुभकामनाएं ....
-सुशील भोले
संजय नगर, रायपुर
मो नं 9826992811

विष तत्व ल हर ले हमरो ..

विष तत्व ल हर ले हमरो हे नीलकंठ महादेवा
जुग बीतगे पूजा-पाठ अउ करत तुंहरेच सेवा
कब होही बरसा तुंहर पावन अमरित धारा के
लरी-लरी तन-मन होगे बिगर तुंहर सहारा के
सुशील भोले
डॉ. बघेल गली, संजय नगर, रायपुर (छ.ग.) मो. नं. 98269 92811

हर उमर के जोश निराला...

हर उमर के जोश निराला कभू खेलौना कभू भाला
मयारु बर चूरी-फुंदरी त मोक्ष बर मिरगा-छाला
जइसे-जइसे उमर बढथे मन के लोभ घलो बदलथे
इही ल तो संगी गुनिक मन जीवन के गति कहिथे
सुशील भोले
डॉ. बघेल गली, संजय नगर, रायपुर (छ.ग.) मो. नं. 98269 92811

अनदेखना अतलंग करथे ...

अनदेखना अतलंग करथे घुट-घुट खुदेच मरथे
नई देखय बढवार काकरो डबरा-खचका खनथे
फेर बेरा के नियाव निराला चेत उहू करवा देथे
पर के खातिर कोड़े डबरा म उहीच ल धंसवा देथे
सुशील भोले
डॉ. बघेल गली, संजय नगर, रायपुर (छ.ग.) मो. नं. 98269 92811