धरम भूमि म आए हौ त करम ..

धरम भूमि म आए हौ त करम के कोठी भरना परही
उप्पर वाला जिनगी देहे फेर खुद वोला गढना परही
भाग के रेखा तो मारग ए जेमा चलना अपने ल परथे
इही सफलता के मंत्र ए तभे दिया के अंजोर बगरथे

-सुशील भोले
संजय नगर, रायपुर
मो. 9826992811

मौन के मारे मर जाथे जी कतकों ..

मौन के मारे मर जाथे जी कतकों निरलज मनखे
हे अतेक ताकत एमा चाहे वो राहय कतकों तनके
एकरे सेती गुनिक जन मन एकरे सीख सिखाथें
चटर-पटर लपराही गोठ ले बांचे के रद्दा धराथें

-सुशील भोले
संजय नगर, रायपुर
मो. 9826992811

जब मैं बसथौं जी संगी मानव-सेवा ..

जब मैं बसथौं जी संगी मानव-सेवा के निरमल-ग्रंथ म
तब काबर खोजथस तैं मोला जाति धरम अउ पंथ म
सिरतोन संगी एकरे सेती भटकत हस कतकों योनी म
अब समझ मोला पाए के रद्दा नइते जाबे फेर पुरोनी म

-सुशील भोले
संजय नगर, रायपुर
मो. 9826992811

बस छीना-झपटी म पाथस ..

बस छीना-झपटी म पाथस तैं कोनो मंच म ठीहा
का उकतावय नहीं जी तोर अइसन करनी म जी हा
देख हमर सत्-संतोष के रद्दा जेमा हम रेंगत हावन
लोगन आरो खुदेच लेथें संग दिल म आसन पाथन

-सुशील भोले
संजय नगर, रायपुर
मो. 9826992811

खुदेच उठाना परथे बोझा जब ...

खुदेच उठाना परथे बोझा जब तक तन म स्वांसा हे
खोरवा-लुलुवा हो जावौ भले इही बंधना के फांसा हे
चार खांध तो तभे मिलही जब जीव शिव संग मिलही
तब तक घिलर के रेंगना परही जब तक एहर खटही

-सुशील भोले
संजय नगर, रायपुर
मो. 9826992811

करिया कुकुर कूं-कूं करत लफ ...

करिया कुकुर कूं-कूं करत लफ ले जीभ लमाथे
मंत्री-संत्री के बंगला म निच्चट के डेरा जमाथे
अउ टांग उठा के गाना गाथे संग पूछी डोलाथे
अतकेच म जी संगी वो कतकों ईनाम पा जाथे

सुशील भोले
संजय नगर, रायपुर (छ.ग.)
मोबा. नं. 98269-92811

मया होगे हे एक जोगिन संग ...

मया होगे हे एक जोगिन संग कइसे बितही जिनगी
बिच्छल पेंड़वा अउ डारा हे, जेमा बइठे हे वो फुनगी
कइसे चढ़बे सरग निसैनी, थेगहा तो कुछू के नइए
बस चकवा सहीं बीत जाही का ए जिनगी के खनगी

सुशील भोले
संजय नगर, रायपुर (छ.ग.)
मोबा. नं. 98269-92811