दूध म दनगारा परगे...

(पूर्व प्रधानमंत्री भारतरत्न श्री अटल बिहारी वाजपेयी

 की हिन्दी कविता *दूध में दरार पड़ गई* का 

छत्तीसगढ़ी भावानुवाद : सुशील भोले)

लहू कइसे सादा होगे

भेद म अभेद खो गे
बंटगें शहीद, गीत कटगे
करेजा म कटार धंसगे
दूध म दनगारा परगे...

खेत म बारूद गंध
टूटगे नानक के छंद
सतलुज सहमगे
पीरा म भरगे
बसंत ले बहार झरगे
दूध म दनगारा परगे...

अपनेच छांव संग बैर
अउ पर मनावंय खैर
झन धर मरे के रस्ता
तुंहला देश के वास्ता
बात ल बनावौ ये बिगडग़े
दूध म दनगारा परगे...