Friday 28 March 2014

रतिहा अब नीक लागय...

(दोनों फोटो गूगल से)

























लाहकत हे भोंभरा अउ घाम, छइहां अब नीक लागय
अंगरा बन उसनत हे चाम, रतिहा अब नीक लागय....

जुड़-जुड़ बोलथे अब चंदा-चंदैनी
मन होथे मिल लेतेंव लगाके निसैनी
सुरुज के सुरता झन करा, लपरहा बर खीक लागय...

कइसे पहाही ये जेठ-बइसाख ह
जिनगी जहर होगे अउ जीये के आस ह
तरा-ररा चुहथे पछीना, ये नून के बड़े ढीक लागय...

गरती हे आमा अउ अमली झरती
टोटा जुड़वाय बर माटी के करसी
भइंसा म चढ़के तउंरई, तरिया अब नीक लागय...

सुशील भोले 
म.नं. 54-191, डॉ. बघेल गली,
संजय नगर (टिकरापारा) रायपुर (छ.ग.)
मोबा. नं. 080853-05931, 098269-92811
ईमेल -  sushilbhole2@gmail.com

No comments:

Post a Comment