Wednesday 25 March 2015

छत्तीसगढ़ी के मानकीकरन खातिर बइठका होइस...

छत्तीसगढ़ राजभाषा आयोग ह 25 मार्च दिन बुधवार के मंझनिया 12 बजे ले छत्तीसगढ़ी भाखा के मानकीकरन खातिर बइठका रखिस, जेमा प्रदेश के चारोंमुड़ा ले आये छत्तीसगढ़ी के करीब 50 झन चुने हुए गुनिक मन उपस्थित रहिन। 
रजबंधा मैदान, रायपुर के शहीद स्मारक भवन म राजभाषा आयोग के कार्यालय म ए बइठका म अवइया बेरा म एक सप्ताह तक लगातार कार्यशाला आयोजित कर के एकर मानकीकरण के कारज ल पूरा करे के निर्णय लिए गिस। बइठका म पवन दीवान, दानेश्वर शर्मा, विनय पाठक, परदेशी राम वर्मा, सुशील भोले, सुधीर शर्मा, डा. व्यास नारायण दुबे, डा. बिहारी लाल साहू, डा. सुखदेव राम साहू, बलदाऊ राम साहू, सुधा वर्मा, सरला शर्मा, निरूपमा शर्मा, शकुंतला शर्मा, ज्योति ठाकुर, तिलक लांगे, मुकुंद कौशल, डा. नरेश वर्मा, दादू लाल जोशी, पीसी लाल यादव, नंदकिशोर तिवारी, अशोक चंद्राकर, भगत सिंह सोनी सहित करीब पचास झन छत्तीसगढ़ी के गुनिक मन उपस्थत रहिन। छत्तीसगढ़ राजभाषा आयोग के सचिव डा. सुरेन्द्र दुबे कार्यक्रम के संचालन करीन।



No comments:

Post a Comment