गौ-माता भूखन मरत...

धरम-करम के नांव म होवत हावय धंधा
गौ-माता भूखन मरत हे, सेवक खाथे चंदा
कइसे भरोसा करे जाय साधु भेषधारी के
सत्-ईमान संकट म परगे, सेवा होगे गंदा

* सुशील भोले
98269 92811, 80853 05931

झड़ी-बादर...

अब्बड़ दिन म दिखे हावय एसो सुघ्घर झड़ी
नंदिया-नरवा बदत हावंय आपस म देखौ गड़ी
चौमासा के ए बरसा ल रूंध-बांध के छेंके परही
तभे हमर जिनगी म जुड़़ही खुशहाली के लड़ी

सुशील भोले
मो. 9826992811 

जोगी के रूप धरे....

जोगी के रूप धरे रावन सीता ल हर के ले जाथे
सत्ता मद म बूड़े़ बाम्हन धरम-करम बिसर जाथे
कइसे मोह बनाए हावय अहंकार के मोर-मुकुट के
बड़े-बड़े विद्वान घलो मन लंदर-फंदर म पर जाथे

सुशील भोले
मो. 98269 92811
      8085305931