मयारु माटी के पंजीयन पाती

सुरता//
'मयारु माटी' के पंजीयन नंबर के पाती..
    छत्तीसगढ़ी भाखा के ऐतिहासिक मासिक पत्रिका 'मयारु माटी' के पंजीयन नंबर देके एक महीना के भीतर छपई चालू करे के आदेश देवत भारत सरकार के सूचना एवं प्रसारण मंत्रालय ले भेजे गे 'पाती'. जेन ह समाचार पत्र मनके पंजीयक के कार्यालय ले जारी होय रिहिसे.ए पाती ल 8-10-1987 के पठोए गे रिहिसे.

    पाती म रायपुर के जिला मजिस्ट्रेट ल संबोधित करे गे हे, अउ पत्रिका के प्रकाशक संपादक (सुशील वर्मा, डॉ. बघेल गली, संजय (टिकरापारा) रायपुर-942001 ल प्रतिलिपि भेजे गे रिहिसे.

    समाचार पत्रों के पंजीयक द्वारा ए पंजीयन नंबर ल मिले के एक महीना के भीतर छापे के चालू करे बर कहे गे रिहिसे, एकरे मुताबिक 'मयारु माटी' के पहला अंक के  विमोचन 9 दिसंबर 1987 के रायपुर के तात्यापारा स्थित कुर्मी बोर्डिंग के सभागार म करे गे रिहिसे.

     ए विमोचन कार्यक्रम के माई पहुना 'चंदैनी गोंदा' के सर्जक दाऊ रामचंद्र देशमुख, विशेष अतिथि 'सोनहा बिहान' के सर्जक दाऊ महासिंह चंद्राकर अउ अध्यक्षता दैनिक नवभारत के संपादक कुमार साहू जी रिहिन.