तुतारी // सुराज आही...

हमर राज के जम्मो मंत्री मन चिरई बरोबर ए गाँव ले वो गाँव उडिय़ावत हें। सुराज के सपना बांटत हें। कई बछर होगे सुराज के अंजोर बगरावत, वोकर सोर करत । फेर ये परबुधिया कती मेर लुकागे हे, चारोंखुंट बस अंधियारेच अंधियार दिखथे। हर बछर सुरता करवाये बर लागथे। भुलवारे-चुचकारे बर लागथे। वइसे तो छत्तीसगढ़ ल अलग राज बने पंदरा बछर बीतगे हे, फेर सुराज के तलाश अभी तक चलत हे। भरोसा हे एक दिन जरूर आही।

सुशील भोले
मो. 98269-92811,  80853-05931