अब छेरी चराथन गांव म...

ममता माया जया अउ सुषमा, सब रहिथन एकेच ठांव म
सोनिया घलो संघरगे हावय, अब छेरी चराथन गांव म...

दाई-ददा मन स्कूल के बदला, भेजीन हमला खार म
बरदिहा के पाछू किंजरत, कभू जावन नदी-कछार म
हर्रो-हर्रो चिचियावत गोई, कांटा गड़ जावय पांव म.....

हमूं कहूं थोरको पढ़तेन त, राजनीति म अव्वल रहितेन
हमरे सहीं नांव वाली कस, अलग-अलग झंडा धरतेन
तब छेरी-भेंड़ी कस मनखे के रेला, गिरतीन हमरो पांव म....

सुशील भोले 
संजय नगर, रायपुर (छ.ग.)
मो.नं. 080853-05931, 098269-92811
ई-मेल - sushilbhole2@gmail.com