Friday, 31 March 2017
Monday, 27 March 2017
Wednesday, 22 March 2017
अच्छा दिन के आस म....
अच्छा दिन के आस म, किसान बदलगे लास म
खेत-खार सब झरगे जम्मो, नइ बांचीस कुछू पास म..
जाने कइसे नीति बनत हे, अन्नदाता भूखन मरत हे
इंकर उपजाए खेती ल, हरहा गोल्लर रोज चरत हे
लटपट होगे जिनगी इंकर, भूखन अउ पियास म....
हरियर धनहा उजार परत हे जिहां-जिहां उद्योग खुलत हे
उंकर चिमनी के धुंगिया म, इंकर जिनगी राख बनत हे
तभो ले इन लबरा सरकार के, कइसे बइठे हावंय आस म....
आंखी खोलव रार मचावव, अब तो गदर के बेरा हे
शोषण ले मुक्ति बर लड़िहव, तभेच तुंहर बसेरा हे
नइ ते उजर जाही रे सरबस, तुंहर फोकट के बिसवास म...
सुशील भोले
संजय नगर, रायपुर (छ.ग.)
मोबा. नं. 98269-92811
Monday, 20 March 2017
कारी नागिन कस फन पटकत...
कारी नागिन कस फन पटकत मेढुली लेथे फांस
मोर खुशी के एको रद्दा के नइ बांचय फेर आस
निचट झगरहीन हवय अउ लिगरी घलो लगाथे
कर बेटा ल बस म अपन गउ गारी खवाथे सास
सुशील भोले
मो. 98269-92811
Thursday, 9 March 2017
आना दारू पी ले....
आना दारू पीला बाबू हमर बेचथे सरकार
आना दारू पी ले...
जगा-जगा भट्ठी खोल दे हे सरकार
तैं तो उछरत ले ढोंक ले जमो पूंजी ल डोहार...
पहिली गुड़ाखू बेचय अमर अगरवाल
अब तो संग म चिखना देथे हमर सरकार....
दू रुपिया के चांउर म बचाए पइसा
जुआ-दारू म नइ उड़ाबे त बनही कइसा....
सुशील भोले
संजय नगर, रायपुर (छ.ग.)
मोबा. नं. 98269-92811
Wednesday, 8 March 2017
Monday, 6 March 2017
Wednesday, 1 March 2017
गुलामी...अउ..आजादी...
जेन समाज के मुखिया अउ बुद्धिजीवी दलाल हो जाथे, वो समाज ल गुलामी भोगे ले कोनो नइ बचा सकय। आज हम अपन घर म बइठ के बाहरी लोगन के गुलामी भोगत हावन त वोकर असल कारण अइसने दलाल मन आय.....
ए गुलामी ले मुक्ति चाहथव त आवव अपन खुद के राजनीतिक दल म... आपके अगोरा हे ये माटी ल... जय छत्तीसगढ़ महतारी...
सुशील भोले
मीडिया प्रमुख
जय छत्तीसगढ़ पार्टी
मो. 9826992811
ए गुलामी ले मुक्ति चाहथव त आवव अपन खुद के राजनीतिक दल म... आपके अगोरा हे ये माटी ल... जय छत्तीसगढ़ महतारी...
सुशील भोले
मीडिया प्रमुख
जय छत्तीसगढ़ पार्टी
मो. 9826992811
Subscribe to:
Posts (Atom)