मुर्गा अउ सरकार...

मुर्गा अउ सरकार के
सोच म
एक खास समानता हे.
मुर्गा जइसे समझथे-
वोकरे बाॅंग दे ले ही
सुरूज ऊथे
ठउका सरकार घलो
अइसनेच भरम म रहिथे-
वोकरेच ढिंढोरा पीटे म ही
लोगन के जिनगी म
अच्छा दिन आथे.
ए तो
सुरूज के निरंतरता
अउ
लोगन के
जबर मेहनत के भरोसा सेती
हर युग म
हर काल म
अउ हर हाल म
अंधियारी के छाती चीर के
वो ह सुख के
अंजोर परघाथे
जिनगी ल महकाथे
दुनिया ल सजाथे.
-सुशील भोले
संजय नगर, रायपुर
मो/व्हा. 9826992811