पीयौ-पीयौ हो भोले बाबा भांग...

पीयौ-पीयौ हो भोले बाबा भांग
मोर भक्ति के ये रसदार बने हे....

नागिन बारी ले लाने हौं भांग पाना
धथुरा के जड़ अउ मिले हे चार दाना
तभे तो ये हर लसदार बने हे.... पीयौ.....

हिरदे के सिल म घिस-घिस पीसेंव
सुरहिन गइया के दूध म खिंधोलेंव
देखौ चिखौ ये तो मजेदार बने हे.. पीयौ..

काली रतिहा के एला मैं बोरे रेहेंव
मया के रस म सरबस चिभोरे रेहेंव
पी लौ बाबा ये हर मयादार बने हे.. पीयौ..

सुशील भोले
म.नं. 41-191, डॉ. बघेल गली,
संजय नगर (टिकरापारा) रायपुर (छ.ग.)
मोबा. नं. 080853-05931, 098269-92811
ईमेल - sushilbhole2@gmail.com